Umsjónarkennari í Vesturbæjarskóla

Vesturbæjarskóli auglýsir stöðu umsjónarkennara

Vesturbæjarskóli er skóli fyrir börn í 1.-7. bekk. Í skólanum eru 300 nemendur og starfsmenn eru um 50. Lögð er áhersla á fjölbreytta kennsluhætti sem kennarar hafa sameinast um, verk- og listgreinakennslu, valtíma og útikennslu og markvisst er unnið að skólaþróun. Teymiskennsla er viðhöfð í skólanum. Kennarar vinna í teymum og deila ábyrgð á námi og velferð nemenda. Skólabragurinn einkennist af jákvæðum anda, samstarfi og virðingu.

Menntunar og hæfniskröfur

• Leyfisbréf til kennslu á grunnskólastigi.
• Góð tök á íslensku máli, töluðu og skrifuðu.
• Áhugi á að starfa í skapandi og metnaðarfullu námsumhverfi.
• Frumkvæði og faglegur metnaður
• Lipurð í samskiptum og sveigjanleiki í starfi.
• Ábyrgð í starfi og stundvísi.
• Skipulagshæfileikar 
• Góð tölvukunnátta

Helstu verkefni og ábyrgð

• Annast kennslu samkvæmt markmiðum Aðalnámskrár grunnskóla með hliðsjón af þörfum og þroska nemenda.
• Vinna að þróun skólastarfs með stjórnendum og samstarfsmönnum.
• Stuðla að velferð nemenda í samstarfi við foreldra og annað fagfólk.
• Áhersla á góða samvinnu og teymiskennslu í árgöngum.
• Vinna samkvæmt stefnu skólans.

Staðan er laus frá 1. ágúst 2025. Um er að ræða 100% tímabundið starf til 31. júlí 2026.

Laun eru samkvæmt kjarasamningum Sambands íslenskra sveitarfélaga og Kennarasambands Íslands.

Nánari upplýsingar gefur Margrét Einarsdóttir skólastjóri, margret.e@reykjavik.is